Friday, August 22, 2014

ஆறுதல் ...

பற்றி எரிந்து கொண்டிருக்கும் 
அந்த வீட்டின் கூரையிலிருந்து 
தற்கால ஓவியம் போல 
நெளிந்து வளைந்து 
வெளிவருகிறது கரும்புகை ...

இரவை சூழ்ந்திருக்கும்  
இந்த இருட்டை விரட்டி விட்டபடி ,
அந்த வீட்டு  குடும்பத்தை 
மேலும் இருளில் தள்ளி விடுகிறது ..

ஒரு குடும்பத்தின் ஜீவனை
எரித்துக்கொண்டிருக்கும் அத்தீ ,
அந்த குடும்பத்தின் கண்ணீரால் 
அனையுமென தோன்றவில்லை ...

 "உதவி செய்ய யாரேனும் 
நிச்சயம் வருவார்கள் " என 
அவர்களுக்கு ஆறுதலை 
என் மனதிற்குள் சொல்லிக்கொண்டு ,
நாளிதழில் கடந்து போகும் 
செய்தி போல் ,
நேரில் கண்ட இதை  
கடந்து போய்க்கொண்டிருக்கிறேன் ....

No comments: