Saturday, February 18, 2012

சத்தமாகி போன வார்த்தைகள் ...!

அர்த்தமுள்ள
சில வார்த்தைகள்
சில நேரம்
மோசமான
சத்தமாகி போகிறது ..



மாறிப்போன நேரம்
மனதில்
கடப்பாறையாக
முட்டியது அந்த
சத்தம் ..

உண்மையில்
முட்டியது
அந்த சத்தத்தின்
அர்த்தம் ...

அது
வார்த்தை தான்
இலக்கணப்படி ..

அந்த வார்த்தையின்
இடம்
பொருள்
ஏவல்
அது
விளைந்த
இடத்தினால் என்னவோ
என் மனதிலோ
அது இடியென
விழுந்த
சத்தம் ...

மனதின்
வெறுப்பிற்கும்
உறவின்
பிரிவிற்கும்
இத்தகைய சத்தங்கள்
ஆரம்பம் ஆகி போகிறது ...

மனதின்
தாகத்தில்
மூளையும்
இயக்கமின்றி
நின்று போனது
சில நிமிடம் ..
உடலும்
உடன்
உறைந்து போனது ..

நரகமும்
அந்த சத்தத்தின் மூலம்
என் அருகே
பூமி வந்து
சேர்ந்தது ..

அன்பு காட்டியதற்கு
பரிசாக வந்தது ,
சம்பளமாக வந்தது
அந்த சத்தம் ..

அப்போது
செவியும் கேட்டது
மனிதன் தேவைக்கு செய்த
வாயின் வேலைக்கு
எனக்கு
தண்டனையா ? என ..

நான் வார்த்தைகள்
போடும் குப்பை
தொட்டியா என ..

மனம் அதற்கு
சொன்னது
உன்னில் பட்டது
என்னை தான் சுட்டது ..

உனது குப்பைகள்
அசுத்தபடுத்துவது
என்னைத்தான் என ..

இந்த
சத்தத்தின் அளவு
முக்கியமில்லை ..
அதன் விளைவு தான் முக்கியம் என ..

அந்த
சத்தத்தின்
அதிர்வுகள்
நினைவாகி போய்
சுவடாகி
மனதில்
பதிவாகி போனது ..


பதிவாகி போன
பின்னர் ,
ஒவ்வொரு முறை
அந்த வார்த்தையை
கேட்கும் பொழுதும்
அது கொடூரமான
சத்தமாகவே
மனதில் முட்டுகிறது ...

6 comments:

Ramani said...

பதிவாகி போன
பின்னர் ,
ஒவ்வொரு முறை
அந்த வார்த்தையை
கேட்கும் பொழுதும்
அது கொடூரமான
சத்தமாகவே
மனதில் முட்டுகிறது ..

அற்புதமான அசத்தலான கவிதை
மனம் கவர்ந்த பதிவு
தொடர வாழ்த்துக்கள்.

சம்பத்குமார் said...

அன்பின் நண்பரே..உங்களது இந்த இடுகையை இன்றைய வலைச்சரத்தில் அறிமுகப்படுத்தியுள்ளேன்.நேரமிருக்கும் போது வந்து வாசித்து செல்ல அன்புடன் அழைக்கின்றேன்
வலைச்சரத்தில் கவிதை சரம்

jayaram thinagarapandian said...

@Ramani...
வருகைக்கும் வாழ்த்திற்க்கும் மிக்க நன்றி

jayaram thinagarapandian said...

என்னை தங்கள்
வலைப்பதிவில் அறிமுக படுத்தியதற்கு நன்றி

ஹேமா said...

வார்த்தைகளின் சந்தோஷமும் சத்தமும் உண்மையாய் சிலசமயங்களில் உயிரையே புரட்டிப்போட்டுவிடும்.அருமையான கவிதை !

jayaram thinagarapandian said...

@all...
கருத்து தெரிவித்த அனைத்து
நெஞ்சங்களுக்கும் நன்றி :)