Friday, October 21, 2011

கண்ணீரின் எழுத்துக்கள் ..!



சில எழுத்துக்கள்
படித்தாலே
புரிந்துவிடும்
அவை கண்ணீருக்கு
சொந்தமென ..

மனித உணர்ச்சியால்
உண்டான கிளர்ச்சியால்
உண்டான கண்ணீர் ,
சில நேரம்
எழுத்துக்கள் ஆகலாம் ..

கண்ணீரின் எழுத்துக்கள்
எப்போதும்
மகிழ்ச்சியின் ஒளியில்
தெரிவதில்லை ..

அவை யாவும்
எப்போதும்
சோகத்தின் நிழல் படிந்தே
கிடக்கிறது ..

உணர்ச்சியின்
குறைமாத பிரசவமாகவே
வரும் கண்ணீரின்
நிறைமாத பிரசவமே
கண்ணீரின் எழுத்துக்கள் ..

இப்படி
எழுத்துகள் ஆகும்
கண்ணீரின் ஈரம் ,
எழுத்துக்களில் தெரிவதைவிட
உணர்ச்சியில் படர்வதே அதிகம் ..

அத்தகைய எழுத்துக்களை
படிக்கும் ஒவ்வொரு நொடியும் ,
அந்த எழுத்துக்களுக்கு
சொந்தமான கண்ணீரின் ஈரம்
நெஞ்சில் பிசுபிசுத்து
கொண்டிருகிறது ..



8 comments:

Ramani said...

பன்னீர் மையூற்றி எழுதப்பட்ட படைப்புகள் எல்லாம்
எழுதிய சில நொடிகளில் காற்றில் கரைந்து விட
கண்ணீர் மையூற்றி எழுதப்பட்டவைகள் எல்லாம்
காலம் கடந்த படைப்புகளாக பரிமளிப்பதே
தங்கள் கருத்துக்கு அத்தாட்சி
அருமையான படைப்பு
தொடர வாழ்த்துக்கள்
த.ம 1

புலவர் சா இராமாநுசம் said...

சோகத்தின் வார் படத்தைச்
சொல்லுகின்ற கண்ணீரே
வேகத்தின் அளவுதனை
வேறுபடக் காட்டுமய்யா

கவிதை அருமை!

த ம ஓ 2

புலவர் சா இராமாநுசம்

suryajeeva said...

காய்ந்து போன கண்ணீரின் சுவடுகள் வரிகளாய் இந்த பக்கங்களில்

மகேந்திரன் said...

உலர்ந்துபோன நினைவுகளாய்
ஈரவிழிகள் எழுதும் அழகிய
உணர்வுள்ள கவி.

jayaram thinagarapandian said...

@Ramani ...
தங்கள் வருகைக்கும்
முத்தான கருத்துக்கும் மிக்க நன்றி ...

ஜெயராம் தி

jayaram thinagarapandian said...

@புலவர் சா இராமாநுசம்...

புலவர் ஐயா ..
தங்கள் முதல் வருகைக்கும்
முத்தான கருத்துக்கும் மிக்க நன்றி ...

ஜெயராம் தி

jayaram thinagarapandian said...

@suryajeeva ...

தங்கள் வருகைக்கும்
முத்தான கருத்துக்கும் மிக்க நன்றி நண்பரே ...

ஜெயராம் தி

jayaram thinagarapandian said...

@மகேந்திரன்...

தங்கள் முதல் வருகைக்கும்
முத்தான கருத்துக்கும் மிக்க நன்றி ...

ஜெயராம் தி