Saturday, October 15, 2011

கையேந்தும் தர்மங்கள் ..!

சாலையோரம்
கோவில் வாசலில் ,
மின்சார இரயிலில்
என அணைத்து இடங்களிலும்
தர்மம் கையேந்தி நிற்கிறது ..


மின்சார இரயிலில்
இரயில் சத்தத்தையும் தாண்டி
வறுமையின் சத்தம் வருகிறது..

சில்லறையோசையில் கனத்த குரலில் பாடும் ,
குருட்டு பிச்சைகாரனிடமிருந்து ..

காதுகளில் பொத்தப்பட்ட
பாட்டு பொட்டியின்
சத்தத்திடம்,
வறுமையின் சத்தம் தோற்றுவிடுகிறது ..
அங்கு நம் கண்களும் குருடாகிறது ,
மனது சிறைப்பட்டு
இருளில் அறைபட்டதால் ..

இங்கு தர்மம்
இருட்டில் விடப்படுகிறது ..

நடைபாதையில் கைபேசியோடு
பேசிக்கொண்டு நடக்கையில்
ஒருகைபிடித்து
யாசகம் கேட்கிறாள் சிறுமி ,
ஒருவேளை உணவாகும் என்ற
நம்பிக்கையில் ..

அந்த பிஞ்சு கைகளும்
தட்டிவிடப்படுகிறது ,
மனதில்
சுயநலம் கோட்டைகட்டிவிட்டதால்..

இங்கு தர்மம்
கைவிடப்படுகிறது ..

சுரங்கப்பாதையில் ,
பிச்சைகாரன் மடியில்
உறங்குகிறது குழந்தை ..
பால்குடி மறவா பிஞ்சுக்கு
போதை நெடியும் ஏற்றப்படுகிறது ..

உறக்கத்தில் இருக்கும்
குழந்தை என்ன கனா காண்கிறது?
உறக்கத்தில் இருக்கும்
தன் வாழ்வு விழித்துக்கொள்கிறது
என்றா ?

இங்கு தர்மம்
கனா காண்கிறது ..

கோயில் வாசலில்
கால் ஊனமான
ஒரு பிச்சைகாரனிடம் இருந்து
TASMAC குடிமகனால்
சில்லறை பிடுங்கிகொள்ளப்படுகிறது ..

இங்கு தர்மம்
கொள்ளையடிக்கபடுகிறது..

நள்ளிரவில்
ஒவ்வொரு பிச்சைகாரனிடமிருந்தும்
சில்லறைகள் எடுக்கப்பட்டு
உணவு பொட்டலங்கள்
போடப்படுகிறது ..

இங்கு
இவை அனைத்திற்கும்
முத்தாய் வருகிறது ,
இங்கு தர்மம்
வியாபாரமாக்கப் படுகிறது ..

4 comments:

suryajeeva said...

பிச்சைக்காரர்கள் மீது எனக்கு கரிசனம் கிடையாது, மன்னிக்கவும்..
திருவண்ணாமலையில் பிச்சைக்காரர்கள் அதிகம், அவர்கள் கொடுக்கும் கடன் பணத்திற்கு வட்டியும் அதிகம்...

jayaram thinagarapandian said...

நீங்கள் சொல்வதும்
உண்மைதான்,
இங்கு தர்மம் வியாபாரம் ஆக்கப்பட்டுவிட்டது...

Lakshmi said...

ரொம்ப சரியா சொன்னீங்க.தர்மம் வியாபாரம் ஆக்கப்பட்டுவிட்டது.

jayaram thinagarapandian said...

@LAKSHMI..
கருத்துக்கு நன்றி ....