Saturday, March 5, 2011

வறுமையின் நிறம் கருப்பு



வறுமையின் நிறம் சிகப்பாம் ,
எனக்கோ
வறுமையின்
நிறம் கருப்பு ..!

தொப்புள் கொடி அறுத்த முதல் நாளே ,
ஏனோ என உறவை தாயும் அறுத்துவிட்டாள் ..!

பால் கேட்டு அழுதிடும் எனக்கு
ஒரு வேலை பால் கூட தர தெம்பில்லை அவளுக்கு ..!
அவள் செய்தது பாவம் தான்
ஆனாலும் அவள் பாவம்...!

கருவறைக்குள்ளே இருட்டிலிருந்தும்
வாழ்க்கை வெளிச்சமாயிருந்தது ...!
இங்கே வெளிச்சம்
வாழ்க்கையை இருட்டடித்தது ...!

பிறந்த முதல் நாள்
தனியே அழுதேன் ..!
அன்று உணர்ந்தேன் ,
எனக்கு ஆறுதல் சொல்ல
யாரும் இல்ல ...!
பின் அழுகை
மரத்து மறந்து போனது ...!

தவழும் வயதில் உண்ட களிமண்
ருசித்ததால் ,
இன்னும் அதையே உண்கிறேன் ...!
களிமண் வைத்து பொம்மை செய்வார்கள்
நான் என் உடலை செய்தேன் ...!

கொடுக்கும் தெய்வம் கூரையை
பிய்த்து கொடுக்குமாம்
என் தெய்வம் வானம் பெய்து கொடுக்கும்
வானஊர்தியில்
உணவும் மருந்தும் ...!
அன்று தான் எனக்கு விருந்தும் ...!

குப்பைத்தொட்டியில் ,
தினமும் எனக்கு
மல்யுத்த போட்டி தான் குப்பைதொட்டியில்
தெரு நாய்களுடன்
மிச்ச மீதிக்காக ...!

நான் அனாதையில்லை
ஆதாம் ஏவாளின் உண்மை வாரிசு நான்
ஏனெனில் நான் ஆடையே அணிவதில்லை ...!

தினமும் சூரிய குளியல்தான்
உச்சிவெயிலில் ..!


என்னையே ஆச்சர்ய படுத்துவது
உண்ணாமலே என் வயிறு பெருத்துவிட்டதே ..!
சில நேரம் நான் பிள்ளை தாச்சியா என
என்னை மறந்து தோன்றுகிறது
என் வயிற்றை பார்க்கையில் ...!

காற்று நிறைந்த பலூன் போலும் ...!
பிறந்தது முதல்
என் தினசரி வேலை
உயிரோடிருப்பது ...!
மருத்துவர்கள் என்னை ஆய்வு செய்ய X-ரே தேவை இல்லை
உடலெங்கும் எலும்பு தெரிகிறதே ..!

இப்படித்தான்
வாழ்க்கை ...!
இப்போது சொல்லுங்கள்
வறுமையின் நிறம் கருப்பு தானே ...!

1 comment:

Webpics Tamil said...

உங்கள் தளத்திற்கு நிறைய வாசகர்கள் வர வேண்டுமா ? உடனே உங்கள் பதிவுகளை http://talinks.webpics.co.in இணைத்து வாசகர்களை பெற்றிடுங்கள். இது இலவசம் .