Saturday, February 26, 2011

ஹைக்கூ -6...!

விலை ..!

ஒருவனே விதைத்தான்
ஒருவனே விற்றான்
அனைவருக்கும் ஒரே விலை
உழைப்பு ...!
இடையில் மனிதன் வந்தான்
விதைத்தான்
மாறிப்போனது
உழைப்பின் விலை ...!

மீன்களின் சிரிப்பு ...!

தொலைக்காட்சியில்
வருகிறோம் என
எண்ணி சிரிக்கிரது,
அந்த மீனவப்பிள்ளை,
தன் தந்தை நடுக்கடலில்
கொல்லப்பட்டதன்
விளைவுகள் புரியாமல் ...!

வறுமையின் சத்தம்...!

மின்சார இரயிலில்
கேட்கிறது ,
குருட்டு பிசைகாரனிடமிருந்து,
இரயில் சத்தத்தையும் தாண்டி ...!

துப்பாக்கியின் சத்தம்....!

துப்பாக்கியின் உண்மையான சத்தம் கேட்கிறது
துப்பாக்கி சூட்டில் அடிப்பட்ட ,
குழந்தையின் - அழுகுரலில்...!

யுத்தம் !

யுத்தங்கள் அனைத்தும்
அமைதியை நோக்கி தான்
நடக்கிறது உலகில் ,
அமைதியை
கல்லறையில் தேட ...!

திண்ணை தேடும் வீடுகள் ...!

ஓய்வு எடுக்க திண்ணை
தேடிய மனிதன் மறைந்து போய்
இப்போது ,
திண்ணைகள் வீடுகளை
தேடுகிறது ...!



பாவ - மன்னிப்பு...!

மெழுகுவத்தியை
அழவைத்து ,
தேவனிடம்
பாவ - மன்னிப்பு ...!

பணம் !

ஏழைகளின்
அகராதியில் ,
அச்சுப்பிழைகள்
பணம் ...!

பசி ...!

மீதமான உணவை
தெருவில் கொட்டும் ஒவ்வொரு
பருக்கையிலும்
கூடுகிறது
ஏழையின் பசி ....!

No comments: